Euskara biziberritzeko eta hiztunen arteko berdintasuna sustatzeko garaian esperimentazio gune erreferentziala bilakatzeko helburuarekin jaio da Badalab Hizkuntza eta Gizarte Berrikuntzarako Laborategia.
Euskararen biziberritze prozesuan berrikuntza eta esperimentazioaren aldagaiak txertatzea izango du xede eta, aldi berean, gizarte berrikuntza prozesuetan hizkuntzaren aldagaia kokatzea. Hala nola, euskararentzat aukera berriak identifikatu eta horietan eragiten saiatuko da, prototipo berriak proposatuz. Hizkuntza teknologiarekin esperimentatzea izango du jomugan.
Liburutegi zaharrean kokatu da Badalab hizkuntza eta berrikuntza laborategia. Galdera ausarta egin du Goiatz Oiartzabal zuzendariak: “nola garatzen da aniztasunean eragile eta erreferente izan nahi duen hiztune komunitatea gizarte digitalaren garaian?” pic.twitter.com/yEQwFaDe6C
— Lau Haizetara euskaltzaleon topagunea (@LauHaizetara) July 15, 2022
Emaitza nagusiak:
Badalab hizkuntza eta teknologia garatzeko laborategiak hiru emaitza nagusi lortu nahiko lituzke bere jardunarekin:
- Lehenik, euskara indartuko duen ekosistema eraberritu eta aberatsagoa lortzea, eragile berri eta anitzen partaidetzarekin, euskal hizkuntza etengabe sortzen diren testuinguru berrietan egon dadin eta eremu horietan bere erabilera areagotu dadin.
- Bigarrenik, prototipo eta gizarte proposamen ausartak gauzatu nahi ditu, bide berriak irekiko dituzten proiektu eta ekimen berritzaileak euskaraz abiarazi daitezen.
- Hirugarrenik, narratiba berriak eta euskarazko bizipen zirraragarriak sorraraztea, formatu eta testuinguru anitz eta digitaletan, euskaraz momentu berriak eta gogoangarriak gehiagotan bizitzeko aukerak sortuz –aisialdian, kulturan, lanean, sorkuntzan, eta abar–.
Gaur @badalab_eus -en aurkezpenera etorri gara. Hemen argazki batzuk!#badalab pic.twitter.com/scYg56IHwN
— Langune (@langune) July 14, 2022
Gazteak eta aniztasuna
Gazteek nolako etorkizun desiratua irudikatzen duten ulertzen saiatzea da asmoa, gero horretan eragiteko. Errenterian aniztasuna lantzen duten eragileekin partekatuko dute beste proiektu bat, hizkuntza, gizarte kohesioa eta komunitatea uztartuz.
Badalab Orereta Errenteriko Madalen kaleko 27an dago. Bere barruan du Badaplaza, adimen kolektiboa sustatu eta komunitateko ekintzak hartuko dituena eta herritarrei irekia. Bestetik, Badatokia eta esperimentazio eta prototipatze espazioak ere egongo dira erabilgarri.
Errenterian #Badalab hizkuntza berrikuntza laborategiaren egoitzaren irekieran. Bide on! pic.twitter.com/oegNQxDoj0
— Soziolinguistika K. (@slklusterra) July 14, 2022
Gipuzkoako Foru Aldundia, Errenteriako Udala, Soziolinguistika Klusterra, Kontseilua, EiTB, EHU, Arantzazulab, Euskaltzaindia eta Langunek osatzen dute besteak beste eragileen zerrenda. Erabakiak guztien artean eta kontsentsu handienarekin hartzeko konpromezua eman dute ezagutzera.
Mintzanet bezalako egitasmo batentzat, bereziki garrantzitsua da horrelako gune eta laborategi bat martxan egotea. Hizkuntzaren inguruan sortzen dena, teknologiaren aldetik, edota etorkizunean euskarak eremu digitalean dituen erronkak detektatu, aurre egin eta egitasmo berriak sortzeko berebizikoa izango delakoan.
Gipuzkoatik, Euskal Herri osoko ikuspegiarekin eta maila globalean dauden joera eta bilakaera aztertuz, gure hizkuntzatik, gure hizkuntzarentzat eman beharreko erantzun eta proposamen berriak egitea du xede.
Euskararen aldeko esperimentazio gunea, @badalab_eus aurkezteko ekitaldian parte hartzen ari gara.
— Euskalgintzaren Kontseilua (@kontseilua) July 14, 2022
Hizkuntza berrikuntzako proiektuak garatu eta euskara komunikazio-hizkuntza nagusi bihurtu dadin lan egiteko prest gade, guztion artean batuz aldaketak eragiteko.#badalab pic.twitter.com/kCWfOGutAY
