Iturria: Jabier Oses Azurmendi | Hizkuntza normalizazioko teknikaria | Kultura eta Hizkuntza Politika Saila
Euskara hobetzen
Domu Santu eguna / Santu Guztien Eguna
Nola idatzi behar da: Domu Santu eguna ala Santu Guztien Eguna? Ala biak zuzenak dira?
Biak zuzenak dira: [EH:Domu Santu], [EH:Santu Guztien Egun].
Domu Santu egunean egun erabiltzea ez da nahitaezkoa (horregatik doa minuskulaz); ezinbestekoa da, aldiz, Santu Guztien Egunean (horregatik doa maiuskulaz). Adibideak: Gaur Santu Guztien Eguna da edo Gaur Domu Santu (eguna) da.
Horien sinonimoak dira hauek ere: [EH:Domu Santuru] eta [EH:Omiasaindu].
______________________________________________________
Santu Guztien Eguna,[1] Domu Santu,[2] Domu Santuru[2] edo Omiasaindu[2] fededunek santu baten jaieguna huts egin izana barkatzeko Urbano IV.ak kristauentzat ezarritako jaieguna da.
Erromatar Eliza Katolikoak azaroaren 1ean ospatzen du, eta Eliza Ortodoxoak Mendekoste osteko lehendabiziko igandean; Anglikano eta luteranoek ere ospatzen dute.[3] Egun horretan liturgia-urtean bere jaialdia ez duten santuak omentzen dituzte. Kristau tradizioko herrialde askotan da jaiegun ofiziala, besteak beste Hego Euskal Herrian, non egun horretan hilerrietara joateko ohitura dagoen.[4]
Hurrengo egunean Hilen Eguna ospatzen dute, oraindik Garbitokian dabilen hildakoen arimak laguntzeko.
