Euskaltzaleen bilgune izan ohi den Durangoko Azokaren egitarauaren baitan, Euskal Herriko I. Hikadromoa ospatuko da aurten, abenduaren 7an. ZirHika taldeak, Badihardugu elkarteak eta Bagera elkarteak antolatutako ekimena da, Praktikatu AEK, Gerediaga elkartea, Durangoko Udala eta Iurretako Udalaren laguntzarekin.
Antolatzaileak hika dakitenak eta ikasten ari direnak gonbidatu nahi dituzte bertan parte hartzera. Euskalkian zein batuan, bakoitzak berean egiteko aukera izango du. Bada, hiru mahai ezberdinetan eseriko dituzte hizlariak, laukoteka, eta 15 minutuero taldez eta gaiz aldatuko dute.
Bi modutara eman daiteke izena. Batetik, izen-emate fitxa prestatu dute; bestetik, 943121775 / 652750947 telefono zenbakietara deitu dezakete interesatuek.
