Mintzaneteko hainbat kide elkartu ginen bazkaltzeko larunbatean Donostian. Giro ederrean joan zen eguna eta bertaratutakoek elkarri Mintzaneten bizi duten esperientziaren berri eman zioten.
Eguerdiko 12:30ean elkartu ginen Bulebarren eta bazkal aurretik zerbait hartu genuen, terraza batean, egiten zuen eguraldi ona aprobetxatuz.
IRUDIAN (eskuinetik hasita): Eduardo Arrayet, Ione Forkada, Izaskun Arrieta, Arantzazu Azpillaga, Potxo Onandia, Joserra Onandia, Aintzane Diaz, Jose Maria Allur, Mariaje Barandiaran, Pilar Iragorri, Joxe Arantzamendi eta Mikel Sukia.
Jarraian, Kaskazuri jatetxera hurbildu ginen eta bazkari eder baten ostean, abesteari ekin genion. Izan ere, Joserra Onandiak kantutegia ekarri zuen, eta “Txoria txori”, “Xalbadorren heriotzean”, “Txantxibiri” eta beste hainbat intonatu genituen.
IRUDIAN (eskuinetik hasita): Idoia Gutierrez, Mariaje Barandiaran, Mikel Sukia, Eduardo Arrayet, Izaskun Arrieta, Arantzazu Azpillaga, Jose Maria Allur, Potxo Onandia, Pilar Iragorri, Aintzane Diaz, Joserra Onandia, Asier Ruiz, Ione Forkada, Joxe Arantzamendi, Idoia Agirre eta Ritxi Lizartza.
Gainera, Joserrak berak Mintzaneti buruzko bertso bat ere ekarri zuen, denon artean kantatzeko. Ordutik Mintzanetek badu bere ereserkia.
Mintzanet-en aldeko aldarria
Doinua:ETAren su etenetik
Euskara ikasi ondoren
hitz egiteko egarria
asetzea lortzeko nik
zabaltzen dut aldarria.
Entzun, betiko euskalduna,
horretan asko jarria,
zure euskara nirearentzat
izan daiteke ongarria.
Bion eskura badugu
tresna erabilgarria,
edonongo euskaldunak
elkartzeko ezarria.
Bai, mintzanet.net da batzen gaitun lokarria.
Euren artean giro bikaina sortu zen eta lehenengo aldia bazen ere horrelako bazkari bat egiten genuena, partaideak hurrengo urteko otorduan pentsatzen joan ziren etxera, errepikatzeko modukoa izan zen seinale. Ea bada etorri ez zinetenak ere hurrengo baterako animatzen zareten!
IRUDIAN (goitik eta eskuinetik hasita): Potxo Onandia, Ainara Loiarte, Arantzazu Azpillaga, Izaskun Arrieta, MariJoxe Azurtza, Aintzane Diaz, Leticia Etxeberria, Idoia Agirre, Mariaje Barandiaran, Pilar Iragorri, Idoia Gutierrez, Eduardo Arrayet, Joserra Onandia, Jose Maria Allur eta Mikel Sukia.
Argazki gehiago ikusteko klikatu hemen
