Urteak joan ahala, gero eta gehiago dira Mintzanet programa erabiliz euskara online eta doan praktikatu nahi duten herritarrak, horretarako baina, laguntzeko prest dauden BIDELAGUNAK behar ditugu. Beren borondatez, euskara hobetzen ari den norbaiti praktikatzeko aukera ematen diote; ez dira irakasleak. Aldiz, proiektuaren zutabe nagusia dira.
Izena ematean, mezu automatikoa jasoko duzu.
Zure izen-emate fitxan daturen bat falta bazaizu, koordinatzailearen mezua jasoko duzu (10 egunetan erantzuten ez baduzu, datu-basetik ezabatuko zaitugu).
Bidelaria topatuko dizugu. Bitartean, itxaron. Aurkitu bezain pronto, mezua bidaliko dizugu, bidelariarekin harremanetan jarriz.
Saioa libreak dira, eta pizgarri gisa, BOST MINUTUKO IKASTAROA atala proposatzen dizuegu, mintzanet.eus-en aurkitu daitekeena, eta astero-astero berritzen joaten garena. Bestalde, IKASBIL-ekin dugun hitzarmenari esker, beraiek propio sortutako edukiak eta materiala ere duzue eskuragarri webgunean.
Lehenengo saioaren ondoren, zer moduz aritu zareten galdetuko dizugu. Gogoratu zure kidearekin adostu beharko duzula zein izango den zuen egutegia (maiztasuna, udan saioak egin ala ez, etab.).
Edozein momentutan zure ordutegia aldatzen baldin bada, jarri gurekin harremanetan: info@mintzanet.net edo 656 713 583
