Mintzanet euskara online eta doan praktikatzeko aukera ematen duen egitasmoa da. Ez dago helburu didaktikorik, ez da eskola bat. Soltura irabaztea eta lotsa galtzea dira proiektuaren xedeak, eta berau hobesten duten erabiltzaileek lehentasuna izango dute.
Euskara praktikatu nahi duten bidelariek, gutxienez B1 maila izan behar dute, eta gomendatzen diegu izen-emate fitxan ‘antzeko euskara maila’ duten erabiltzaileekin mintzapraktika saioak egiteko aukera klikatzea. Izan ere, bidelagun (laguntzaile) faltan gabiltza, eta ezin ditugu denen eskaerak bideratu.
Zure euskara-maila zein den jakiteko klikatu HEMEN eta egiaztatu. Ez baduzu maila lortzen, ezingo duzu parte hartu. Izena ematean, mezu automatikoa jasoko duzu.
Daturen bat falta bazaizu, koordinatzailearen mezua jasoko duzu (10 egunetan erantzuten ez baduzu, datu-basetik ezabatuko zaitugu).
Dakizunez, bidelagunak aurkitzea ez da erraza: pazientzia, mesedez. Gehiegi ez itxaroteko, zer egin? Ahalik eta ordutegi zabalena eskaini edo/eta zure hizkuntza-maila duen norbaitekin hasi. Izen-emate fitxan ‘antzeko euskara maila’ duten erabiltzaileekin mintzapraktika saioak egiteko aukera
Tarte horretan zure ordutegia aldatzen baldin bada, jarri gurekin harremanetan: info@mintzanet.net edo 656 713 583
Bidelaguna topatuko dizugu. Bitartean, itxaron. Aurkitu bezain pronto, mezua bidaliko dizugu.
Saio libreak dira, eta guk horiek aurrera eramateko, BOST MINUTUKO IKASTAROA atala proposatzen dizuegu, mintzanet.eus webgunean aurkitu daitekeena, eta astero-astero berritzen joaten garena.
Bestalde, IKASBIL-ekin dugun hitzarmenari esker, beraiek propio sortutako edukiak eta materiala ere duzue eskuragarri webgunean.
Gainera, MINTZORDUAK izeneko solasaldi programa abiatu dugu, Tabakalerako 2deo laborategiaren laguntzarekin martxan. Bideo eta audio formatuan dituzue edukiak.
Lehenengo saioaren ondoren, zer moduz aritu zareten galdetuko dizugu. Arazorik baduzu, idatzi! Gogoratu zure bikotekidearekin adostu beharko duzula zein izango den zuen egutegia (maiztasuna, udan saioak egin ala ez, etab.).
