Helsinkiko unibertsitatean filologia hispanikoa ikasi zuen Koalani Aktypik, eta bertan ezagutu zuen euskara. 90eko hamarkadan Euskal Herrira hainbat bisita egin zituela aipatu digu, eta bertako lagunekin praktikatzen zuela. Euskaltegietan ere aritu da, eta bere kabuz dabil orain, Greziatik, Mintzanet programari esker ekinean.
Euskara maite duela aitortu digu, eta ikasitakoa helarazteko prest dagoela. Hau da, bidelari izan da orain arte, baina bidelagun izan nahi du: “Euskal kultura eta ikaskuntza zabaltzen lagundu nahi dut”.
Jarraian duzue Koalanirekin izan dugun solasalditxoa:
