Azaroaren 18an ospatu genuen Mintzanet Eguna. Donostiako Vía Fora jatetxean elkartu ginen eta bertan Mintzaneteko 40 erabiltzailek elkar ezagutzeko aukera izan zuten.
Egun ederra igaro genuen eta aprobetxatu nahi izan genuen pertsona batzuen lana azpimarratzeko. Horrela, Marisa Barrena (Amorebieta-Etxano, 1951) izan zen 2017ko Bidelagun Onena; Gorka Fernández (Barakaldokoa, baina Sevillan bizi dena, 1975), Bidelari Onena; eta Joserra Onandia (Getxo, 1945) Aipamen Berezia.
Joserra eta Marisa bertan egon ziren. Eta Gorkak familia bidali zuen saria jasotzera: Mikel anaia eta bere gurasoak.
ETBko kazetariak etorri ziren zuzenekoak egitera eta ‘Gaur Egun’en eta ‘Teleberria’n proiektuaren inguruko informazioa eman zuten.
Goizean, Euskadi Irratiko ‘Amarauna’ saioan elkarrizketatu zituzten Marisa, Joserra eta Gorka.
Jarraian, argazki eta bideo batzuk.
Eskerrik asko guztiei!
