Peio Duzan (Toulouse, 1985) Estrasburgon bizi da, eta pilotari esker hasi zen euskara ikasten. Jokatzen hasi eta Euskal Herriko kulturari buruz gehiago jakin nahi izan zuen. Horrela, euskaraz bere kasa ikasi du: telebista, liburuak, egunkariak… eta noizbehinka barnetegiren batera joan da. “Espero dut egunen batean Estrasburgon euskal etxe bat egotea”, adierazi du Duzanek.
Mintzaneten praktikatzeko eman zuen izena eta bi bidelaguni esker (Juan Karlos Merino eta Ander Olalde) asko aurreratu duela esan du. “Orain, Mintzanet plazer handia da, eta oso pozik nago. Hasiera zaila izan da”, esan du.
Hemen duzue berari egindako elkarrizketa.
Eskerrik asko, Peio!
