Maiatzaren 22an Getxoko Egizu euskara elkarteak ekitaldi berezi bat antolatu zuen: 2.0 Berbodromoa.
Bertara hurbildu zirenak zuzenean Mintzanetek nola funtzionatzen duen ikusteko aukera izan zuten. Horietako bat gure Joserra Onandia izan zen (bidelaria eta bidelaguna).
Izan ere, Mintzaneteko lau erabiltzailerekin euskaraz aritu ziren Internet bidez. Pantailaren beste aldean, Marisa Barrena, Dylan Inglis eta Ainara Maia bidelagunak eta Aintzane Díaz bidelaria egon ziren.
Euskara praktikatzeko mugarik ez dagoela erakutsi zuten batzuek eta besteek ekitaldi arrakastatsu honen bidez.
Eskerrik asko, denoi!
