Iturria: Jabier Oses Azurmendi | Hizkuntza normalizazioko teknikaria | Kultura eta Hizkuntza Politika Saila

Euskara hobetzen

-T(Z)ERAKO atzizkiaren erabilera okerra

 Egitura desegokiak dira: 

• -t(z)erako orduan
• -t(z)erako garaian

Haien ordez, honako hauek erabili behar dira:

• -t(z)eko orduan / -t(z)ean edo -t(z)erakoan¹
• -t(z)eko garaian / -t(z)ean edo -t(z)erakoan¹

_{^{(1) Testuinguruaren arabera -t(z)ean edo -t(z)erakoan.}} 

*Gai horretaz mintzatzerako orduan, garrantzitsua da zuzentasuna.

• *Forma estetikoa aztertzerako orduan, batik bat zehaztasuna izan dugu gidari.
• *Kostu horiek zehazterako orduan, hainbat prozedura erabil daitezke.

Gai horretaz mintzatzeko orduan, garrantzitsua da zuzentasuna.

• Forma estetikoa aztertzeko orduan, batik bat zehaztasuna izan dugu gidari.
• Kostu horiek zehazteko orduan, hainbat prozedura erabil daitezke.

Animalien sailkapena egiteko garaian, genetikak agintzen du gaur egun.

• *Animalien sailkapena egiterako garaian, genetikak agintzen du gaur egun.

 -T(Z)ERAKOren erabilera zuzenak: 

-t(z)erakoan:

• Beraz, estrategia martxan jartzerakoan, beste ikuspegi batzuk hartu behar dira kontuan .

-t(z)erako (mendebaldeko erabilera, jadanik gertatua dena adierazteko):

• Dantza-saioa bukatzerako, desagertua zen Pennyren haserrea
• Dantza-saioa bukatu zene(ra)ko, desagertua zen Pennyren haserrea…

Ehulku. EHU