Azaroan 12an Zubietako Araeta jatetxean, III Mintzanet sariak eman genituen eta euskara Internet bidez praktikatzeko plataforma honetan parte hartzen duten bi pertsonen lana aitortu genuen: Arantza Garaialde (bidelaguna) eta Andrea Bella (bidelaria). Aipamen berezia Pilar Iragorrirentzat izan zen.
Gainera aurten lehendabizikoz, Necocheako (Argentina) Euskararen Aste Nazionalean Mintzodromo erraldoi bat egin zuten eta, gure babesa erakusteko, guk ere Euskal Herrian beste bat antolatu genuen. Ekimenari hasiera emateko, zuzeneko konexio bat egin genuen, Mintzodromoari elkarrekin ekiteko. Mahaietan hizketan aritu bitartean, Internet bidez hangoak eta hemengoak harremanetan egon ziren etengabe.
