Azaroaren 12an, Mintzanet eguna ospatuko dugu. Egunari hasiera emateko, Zubietako Araeta jatetxean (Berridi Bidea 22) elkartuko gara, eta bertan bazkalduko dugu. Jarraian, III Mintzanet Sariak ospatuko ditugu, eta bertan, urteko bidelari eta bidelagun onenak sarituko ditugu.
Festa giroan igarotako egunari amaiera emateko, Necochean (Argentinan) Euskal Aste Nazioanalaren baitan egingo duten Mintzodromoarekin bat egingo dugu, eta guk ere Araetan bertan, Mintzodromo bat antolatuko dugu. Argentinan eta hemen, batera emango diogu hasiera Mintzodromoari, sarearen bidez konektatuko baikara.
Edonork har dezake parte, eta beraz, etorri nahiko bazenu, jarri gurekin harremanetan:
Telefonoz: 943 504 206
Emailez: info@mintzanet.net
Hauxe da jatetxeko menua eta izena ematerakoan, arraina edo haragia jango duzun zehaztu beharko diguzu, prezioa 25 eurokoa izango da:
Ongietorria emateko etxeko aperitiboa
Ahobizarra kentzeko:
Gari-zainzurien krema hotz-beroa izokinaren tartarrarekin
Segidan:
Atun-marmitakoa
Aukeratzeko:
Legatz-solomoa plantxan barazkitxoekin eta baratxurien pil-pilarekin
edo
Idi-isats garbia, patata-krema eta ardo beltzaren saltsarekin
Eta amaiera ezti bat:
Araeta gazta-tarta marrubizko izozkiarekin
Kafea
Edaria: Ardoa, sagardoa eta ura
(bi laguneko ardo-botila bat)
