Dylan Inglis (Erresuma Batua, 1998) bidelaria eta Ainara Loiarte (Andoain, 1988) bidelaguna elkartu dira Loiarteren herrian. Duela ia urtebete hasi ziren elkarrekin Mintzaneten, eta geroztik hiru aldiz ikusi dute elkar aurrez aurre. Euren artean hitanoa praktikatzen dute.
Javier Osaba (Gasteiz, 1985) Azkainen bizi da, Lapurdin, eta txikitan ikastolan euskaraz ikasi bazuen ere, 18 urterekin euskara alde batera utzi zuen. Duela bi urte, euskaltegian eman zuen izena, garrantzitsua eta interesgarria iruditu zitzaiolako hizkuntza berreskuratzea.
Dylan Inglisek (Erresuma Batua, 1998) euskara urte eta erdian ikasi du, eta ez hori bakarrik; xibereraz eta bizkaieraz mintzatzeko gai ere bada. Bide horretan, Mintzaneten izena ematea erabaki zuen, eta bizkaiera praktikatzeko helburuarekin, Busturian (Bizkaian) dagoen Arrotegi egoitzako hainbat pertsonekin harremanetan jarri genuen. Ordutik, astearte goizero egiten ditu bizkaiera praktikatzeko saioak.
Gasteizko Euskal Herriko Unibertsitateko Itzulpengintzako ikasleei Mintzanet zer den eta nola funtzionatzen duen azaldu diegu. Aurkezpenean Dylan Inglis kideak hartu du parte, eta ikasleak gustura aritu dira bere azalpenak entzuten.
