Iturria: Jabier Oses Azurmendi | Hizkuntza normalizazioko teknikaria | Kultura eta Hizkuntza Politika Saila
Pasartea
Zerua I
Hegaldiak zortzi ordu iraun zuen, eta ia
beste bi behar izan genituen maletak jaso eta
gure bila etorritako autoa hartzeko. Umeak
nekatuta zeuden, eta gazteenak segituan hartu
zuen lo. Zaharrenak ordea ez. Isil-isilik zihoan,
baina begirik itxi gabe. Eta hala segitu
zuen gure jomugara iritsi ginenean ere. Galde
egin genion azkenean, kezkaren bat ote zeukan.
Berak baietz egin zuen buruarekin. «Ez
ditut ikusi. Hainbeste denbora zerutik barrena,
eta ez ditut ikusi», esan zuen. «Zein ez
dituzu ikusi?», galdetu genion. «Pertsonak»,
esan zuen. «Zein pertsona?» «Hildakoak», zehaztu
zuen.
Bernardo Atxaga
Oharra:
Kasu honetan, Atxagak ZEIN ez dituzu ikusi? erabili du, eta ez ZEINTZUK ez dituzu ikusi?
